शिक्षा युवा तथा खेलकुद महाशाखा || बुढानीलकण्ठ नगरपालिका

शिक्षा, यूवा तथा खेलकुद महाशाखा

मिति २०७१ मंसिर १६ गते बुढानीलकण्ठ नगरपालिकाको विधिवत रुपमा स्थापना भए पश्चात् यसको महत्वपूर्ण महाशाखाको रुपमा शिक्षा, यूवा तथा खेलकुद महाशाखाको स्थापना भएको थियो । यस महाशाखाले नगर क्षेत्रको शिक्षा यूवा तथा खेलकुद क्षेत्रको सुधार, विकास र उन्नयनका लागि कार्यकारी भूमिका निर्बाह गर्दछ । यस महाशाखाबाट सम्पादन गरिने शिक्षा सम्बन्धी प्रमुख कार्यहरु निम्न रहेका छन् :

(क) नगर शिक्षा समिति, सामाजिक विकास समिति र नगर कार्यपालिकाबाट स्वीकृत शैक्षिक कार्यक्रम कार्यान्वयन गर्ने गराउने,

(ख) शिक्षा सम्बन्धी नगरस्तरीय योजना वनाई नगर शिक्षा समिति, सामाजिक विकास समिति र नगर कार्यपालिकाबाट स्वीकृतीको लागि पेश गर्ने र स्वीकृत योजना कार्यान्वयन गर्ने,

(ग) स्थानीय तहको शिक्षाको अवस्था र प्रगति समेटिएको शिक्षा सम्वन्धी शैक्षिक स्थितिपत्र तयार गरी प्रत्येक वर्षको चैत्र मसान्त भित्र प्रकाशित गर्ने,

(घ) स्वीकृत अनौपचारिक शिक्षा, विशेष आवश्यकता भएका व्यक्तिका लागि, अनिवार्य तथा निःशुल्क आधारभूत शिक्षा, रमाइलो शुक्रबार र विद्यालय दिवा खाजा कार्यक्रम कार्यान्वयन गर्ने गराउने,

थप पढ्न क्लिक गर्नुहोस्

शैक्षिक प्रकाशन

बुढानीलकण्ठ नगरपालिकाले शैक्षिक गुणस्तर वृद्धि गर्ने उद्देश्यले विद्यालय सुधार योजना, विद्यार्थी छात्रवृत्ति, शिक्षक क्षमता विकास तालिम तथा शैक्षिक पूर्वाधार विस्तार सम्बन्धी प्रतिवेदनहरू नियमित रूपमा प्रकाशन गर्दछ। यस प्रकाशनमार्फत अभिभावक, विद्यार्थी र सरोकारवालाहरूले नगरक्षेत्रभित्रका शैक्षिक कार्यक्रम र उपलब्धिहरूबारे जानकारी पाउन सक्छन्।